الكاتب
في آخر كام سنة، لاحظنا قدرة أجهزة الكمبيوتر المختلفة أنها تفهم وتحلل العالم من حواليها، مثال: قدرنا نشوف الكاميرا بتتعرف تلقائياً علي وجوه الشخصيات وكذلك كتير جدا من البرامج قدرنا نشوف بعض انواع العربيات بتتعرف على الأشياء الموجودة علي الطريق وتتجنب الحوادث، كل ده مرتبط بـ(الشبكات العصبية) وهيتم شرحها
بالتفصيل في باقي المقال
أول حاجة لازم نعرف يعني ايه (انحدار لوجيستي - Logistic Regression) الانحدار الـ لوجيستي هو تحليل الانحدار المناسب لإجراء محدد لما يكون المتغير ثنائي (ثنائي التفرع). الانحدار الـ لوجيستي زيه زي أي تحليل من تحليلات الانحدار، وبكده نقدر نقول أن الانحدار اللوجستي هو تحليل تنبؤي. الانحدار اللوجستي بيستخدم في وصف البيانات وشرح العلاقة بين متغير ثنائي تابع واحد ومتغير واحد أو أكتر من المتغيرات المستقلة الاسمية أو الترتيبية أو الفاصلة أو على المستوى النسبي.
نيجي دلوقتي لـMultiplayer Perceptron، الإدراك متعدد الطبقات (MLP) يعتبر فئة من الشبكات العصبية الاصطناعية الأمامية (ANN). بيتم استخدام مصطلح MLP بشكل غير واضح لأي شبكة ANN موجزة، وأحيانًا للإشارة بشكل صارم إلى الشبكات المكونة من طبقات متعددة من الإدراك.
بيتم الاشارة أحيانًا للإدراك متعدد الطبقات بالعامية باسم الشبكات العصبية "الفانيليا - vanilla"، والذات لما يكون له طبقة مخفية واحدة. الـMLP يتكون من ثلاث طبقات على الأقل من العقد، أول طبقة هي طبقة إدخال والتانية طبقة مخفية والثالثة طبقة إخراج. كل عقدة عبارة عن خلية عصبية بتستخدم وظيفة تنشيط غير خطية (ما عدا الادخال طبعاً). الـMLP بيستخدم أسلوب "التعلم الخاضع للإشراف" اسمه backpropagation. طبقاته الكتيرة وتنشيطه الغير خطي بيميز الـMLP عن المدرك الخطي ويقدر يميز البيانات الغير القابلة للفصل خطيًا.
طيب نسأل نفسنا سؤال: هل في فرق بين الذكاء الاصطناعي والدماغ من حيث التركيب؟ الشبكات العصبية دي اتصممت لتقليد وظيفة الدماغ البشري بشكل مشابه، لكنها بتختلف هيكليًا عن العقول الحقيقية للانسان في عشر جوانب لهم علاقة ببعض: الشكل والوظيفة، الحجم، الاتصال، استهلاك الطاقة، الهندسة المعمارية، إمكانات التنشيط، السرعة، تقنية التعلم، الهيكل، والدقة.
طيب دلوقتي خلينا نستكشف مع بعض فكرة شكلين من الوعي: الطبيعي والاصطناعي كمثال احنا عندنا وعي طبيعي انما الاصطناعي بيحاول يقلد الوعي الطبيعي. أولاً، ممكن يكون الذكاء الطبيعي والوعي الطبيعي مرتبطين بالركيزة البيولوجية اللي بنسميها الدماغ. معظم الناس بتتفق على أن الكائن الطبيعي بدون دماغ معندوش ذكاء ولا وعي. ومع ذلك، ممكن يكون للكيان الطبيعي اللي عنده دماغ ذكاء بس أو وعي بس أو الاتنين. ركيزة الدماغ البشري تعتبر مهمة لأن عندنا عدد كبير من الأمثلة اللي تمثل الاختلافات الجسدية والأمراض والإصابات المؤلمة لتأثيرات قابلة للقياس على الذكاء أو الوعي. ثانيًا، الذكاء بيتناسب بشكل واضح في مكان معين على "التدرج اللوني"، وبيتم قياس التدرج ده من خلال معدل الذكاء فبالتالي، نقدر نصنف الذكاء الطبيعي على طول التدرج ده وبالتزامن مع عوامل تانية، من ناحية تانية ممكن يكون الوعي الطبيعي لجميع المقاصد، إما يكون في شيء واعي أو أن شئ مكانش كده فعلاً.
(الذكاء العام الاصطناعي - Artificial general intelligence) هو "ذكاء الآلة" بمعني: الآلة اللي تقدر تفهم أو تتعلم أي مهمة فكرية ممكن للإنسان انه يقوم بيها. وعندنا بعض الأمثلة للـAGI: الذكاء الاصطناعي الضيق (ANI) - (Artificial narrow intelligence) وده نطاق ضيق من القدرات الطبيعية. الذكاء الاصطناعي العام (AGI) - (Artificial general intelligence) وده قادر على المساواة بينه وبين القدرات البشرية. الذكاء الاصطناعي الخارق (ASI) - (Artificial super intelligence) وده بقا قدراته أكبر من قدرة الإنسان بذاته.
نفكر مع نفسنا كده، هل ممكن في يوم يتفوق ذكاء الروبوتات عن البشر ويقضوا علينا؟ لحد دلوقتي الروبوتات لسة محدودة في قدرتها على الإحساس ببيئتها فهي متعرفش تتعرف الا على بعض الحاجات زي قطع الشطرنج، وتحركها بذكاء أي لاعب شطرنج محترف! لكن ممكن في وقت مش بعيد من دلوقتي تكون أجيالهم الأكثر تقدمًا منهم مرتبطين بمحيطهم وبالناس بذكاء، زي ما احنا بنعمل.
ودلوقتي سؤالي لك عزيزي القارئ: هل تتوقع ان الروبوتات هتسيطر علي العالم في يوم من الايام؟ وازاي ده هيتم؟ ويا تري هيكون قريب ولا بعيد؟
أي إستفسار يمكنك وضعه في التعليقات.
قيم الموضوع اذا أعجبك.
ملحوظة: يمكن لأعضاء المدونة فقط إرسال تعليق.